*വനിതാ മതിൽ നിർമിക്കാൻ സർക്കാർ കാണിക്കുന്ന താല്പര്യം പ്രളയ പുനരധിവാസപാക്കേജ് പ്രഖ്യാപിക്കുന്നതിനും ഉണ്ടാകണമെന്ന് കെഎൽസിഎ* Government should show same interest in declaring flood relief package, along with women wall.

*വനിതാ മതിൽ നിർമിക്കാൻ സർക്കാർ കാണിക്കുന്ന താല്പര്യം പ്രളയ പുനരധിവാസപാക്കേജ് പ്രഖ്യാപിക്കുന്നതിനും ഉണ്ടാകണമെന്ന് കെഎൽസിഎ*

കേരള നവോത്ഥാന ചരിത്രത്തിൽ മറക്കാനാവാത്ത സംഭാവനകൾ നൽകിയ ഉദയംപേരൂർ സൂനഹദോസ് പോലുള്ള ചരിത്രസംഭവങ്ങൾ മറന്ന്   ഏതാനും ചില സംഘടനകളെ മാത്രം തിരഞ്ഞുപിടിച്ച് നവോത്ഥാന മതിൽ സൃഷ്ടിക്കാൻ തുനിഞ്ഞ സംസ്ഥാന സർക്കാർ വെള്ളാപ്പള്ളി നടേശനെ അതിൻറെ സംഘാടകസമിതി സ്ഥാനത്തു നിന്ന് മാറ്റാൻ തയ്യാറാകുമോ എന്ന് വെളിപ്പെടുത്തണമെന്ന് കെഎൽസിഎ സംസ്ഥാന സമിതി ആവശ്യപ്പെട്ടു. അല്ലാത്തപക്ഷം കേരളത്തിലെ ജാതി മതസൗഹാർദ്ദത്തെ ഭിന്നിപ്പിക്കാനേ വനിതാ മതിൽ ഉപകരിക്കൂ എന്ന ആശങ്ക ബലപ്പെടും. 
മതേതരത്വം എന്ന സങ്കല്പത്തിന് മതങ്ങളോട് ആഭിമുഖ്യം ഇല്ലായ്മ എന്നതുപോലെതന്നെ എല്ലാ മതങ്ങൾക്കും തുല്യപ്രാധാന്യം എന്നുകൂടി അർത്ഥമുണ്ടെന്ന് സംസ്ഥാനസർക്കാർ ഓർമിക്കണം. 

ഇത്തരം കാര്യങ്ങളിൽ കാണിക്കുന്ന താല്പര്യം പ്രളയ പുനരധിവാസ പ്രവർത്തനങ്ങൾക്കായുള്ള സമഗ്രപാക്കേജ് പ്രഖ്യാപിക്കുന്നതിനും  ഉണ്ടാകണമെന്ന് കെഎൽസിഎ സംസ്ഥാന സമിതി ആവശ്യപ്പെട്ടു. സർക്കാരിൻറെ സർവ്വ സംവിധാനങ്ങളും ഉപയോഗിച്ച് വനിതാ മതിൽ വിജയിപ്പിക്കുന്നതിനെക്കിൾ ഇപ്പോൾ ആവശ്യം തൊഴിൽശാലകളും തൊഴിൽ സാഹചര്യങ്ങളും ജീവനോപാധികളും നഷ്ടപ്പെട്ട പ്രളയബാധിതർക്ക് സമഗ്രമായ പുനരധിവാസപാക്കേജ് പ്രഖ്യാപിക്കുകയാണ്  എന്ന് സംസ്ഥാന പ്രസിഡണ്ട് ആൻറണിനൊറോണ ജനറൽ സെക്രട്ടറി അഡ്വ ഷെറി ജെ തോമസ് എന്നിവർ സംയുക്തമായി മുഖ്യമന്ത്രിക്ക് നൽകിയ കത്തിൽ സൂചിപ്പിച്ചു.

Sherry J Thomas
General Secretary
©|KLCA State Committee|
stateklca@gmail.com
www.klca.online