KLCA

*ഒരു പൊതു സമുദായ സംഘടനയുടെ പിറവി*

വര്ഷം 1967. പ്രശാന്തസുന്ദരമായ ഒരു സുപ്രഭാതം. അണ്ണാമലൈ സര്വ്വകലാശാലയുടെ വൈസ് ചാന്സലറും കാത്തലിക് യൂണിയന് ഓഫ് ഇന്ത്യയുടെ പ്രസിഡന്റുമായിരുന്ന രത്നസ്വാമി എറണാകുളത്തെത്തി. കേരള ടൈംസ് മാനേജര് ഫാ ജോര്ജ്ജ് വെളിപ്പറമ്പിലും എഡിറ്റര് എം എല് ജോസഫും അന്ന് അദ്ദേഹവുമായി ഒരു അഭിമുഖം നടത്തി. സമുദായ പ്രവര്ത്തനത്തിന്റെ
അനന്തമായ സാധ്യതകളെക്കുറിച്ച് അദ്ദേഹം സുദീര്ഘം പ്രഭാഷണം നടത്തി. അത് കേരള ടൈംസില് പ്രസിദ്ധീകരിച്ചു. ദൂരവ്യാപകമായ സമുദായ മുന്നേറ്റചര്ച്ചകള്ക്ക് ആ അഭിമുഖം വഴി തെളിച്ചു.

1914 ല് തുടങ്ങി 1920 നിലച്ചുപോയ കാത്തലിക്ക് അസോസിയേഷന് എന്ന സമുദായ സംഘടന പുനസ്സംഘടിപ്പിക്കേണ്ടതി നെക്കുറിച്ച് ചര്ച്ച വീണ്ടും സജീവമായി. 1967 ഒകടോബര് 12 ന് കേരള ടൈംസില് ഒരു യോഗം കൂടുന്നതിന് അത് കാരണമായി. സമുദായസംഘടയുടെ ആവശ്യകതയെപ്പറ്റി അന്ന് പ്രാരംഭചര്ച്ചകള് നടന്നു. വീണ്ടും നവംബര് 27 ന് വരാപ്പുഴ അതിരൂപതയുടെ വിവിധ ഇടവകകളില് നിന്നുള്ള പ്രതിനിധികള് പങ്കെടുത്ത യോഗം നടന്നു. ആര്ച്ച് ബിഷപ്പ് അട്ടിപ്പേറ്റിയുടെ അധ്യക്ഷതയില് 1967 ഡിസംബര് 12 ന്  കാത്തലിക് അസോസിയേഷന് ഔദ്യോഗികമായി രൂപം കൊണ്ടു. ജെ ഡി വേലിയാത്ത് പ്രസിഡന്റും ഇ പി ആന്റണി ജനറല് സെക്രട്ടറിയായും സമിതി നിലവില് വന്നു. പിന്നീട് 1972 ല് സംസ്ഥാനതലത്തില് കെ എല് സി എ രൂപീകരിക്കപ്പെട്ടു.

സംഘടിച്ചു ശക്തരാകാം  ഡിസംബർ 9 സമുദായ ദിനം